【愛懲迷因】：「男人天生係咸濕㗎啦」
（偽）網友求助：最近我兄弟同佢女朋友同居，佢之前都成日同我呻土地問題，而家佢哋終於有個私人地方，我都戥佢哋開心 － 同居生活喎，一定每晚都玩到天昏地暗啦！😏😏 點知佢竟然話同居好開心啊，但係sex就同以前差唔多，都係一個禮拜一次！😱 吓？唔係掛？係咪關係出咗問題啊？但係佢話佢哋關係好好，只係佢唔特別想做，對而家咁樣好滿意喎。
大獲啦，唔咸濕仲係男人嚟嘅？🤡 佢係咪有啲唔正常啊？有無醫生可以介紹比我兄弟啊？
（真）Admin 回應：點解你會覺得男仔係要咸濕先叫「正常」呢？你因為咁樣就以為你兄弟「唔正常」，你兄弟都會有壓力㗎喎。
其實每個人對性嘅渴求、需要都唔同，如果夾硬用性別去定義「正唔正常」，就係一種性別定型。調返轉，呢一種性別定型亦令社會覺得女仔有好多情慾係「唔正常」，有形無形咁限制住女仔去表達慾望。其實女仔都可以性慾強，男仔亦都可以性慾低，每個人嘅性需求都唔一樣，係好自然嘅事。
💟 我哋一齊祝福你兄弟生活愉快啦！
#性別定型 #刻板印象 #愛懲迷因
為青少年／家長／專業人士提供性暴力及性別平等相關的教育活動，讓參加者認識性別及性暴力等議題。
歡迎預約教育活動、團體參觀或查詢更多教學資源。
