〔活動回顧〕模擬法庭
感謝各位熱烈支持，1月份模擬法庭公眾場再次於滿座情況下順利完結！以下為其中一位參加者兼Anti480義工的分享。
義工Joscelin（於活動內扮演證人，即受害人)：
雖然了解同關心性別議題已經好多年，不過模擬法庭呢個體驗係令我「沉浸式」去感受到倖存者對於上庭嘅掙扎及制度嘅掣肘。
我係抽中咗做當日嘅事主角色。雖然我知道係一個模擬遊戲，雖然我知道我只係扮演緊呢個角色，但當我準備緊「上庭」嘅時候，我都感覺非常忐忑，而且好緊張唔知會唔會記錯咗啲故事嘅細節。
去到開庭嘅時候，檢控官同辯方律師嘅問話，有啲問題都令到我覺得就算只係扮演角色，都好尷尬，仲要有好多人睇住我，彷彿孤立無援嘅感覺。當時我連望都唔敢望大家，平時喺台上自信暢所欲言嘅我，突然之間好似變咗鵪鶉咁。
確實劇情就唔劇透太多，只可以話呢次體驗的確係唔單止喺書本上去理解性暴力事件，而且更能夠設身處地去了解當事人心路歷程，仲有制度上可有咩改善。
強烈推薦大家去參與呢個活動，係一個非常有意義嘅沉浸式體驗。
－－－－－
📚Anti480反性暴力資源中心
為青少年／家長／專業人士／企業提供性暴力及性別平等相關的教育活動及培訓項目，讓參加者認識性別及性暴力等議題。
歡迎預約教育活動、團體參觀或查詢更多教學資源
📱 2625 4016
請同時參閱：
Summary Block
This block has no content yet. Items you add to the page connected to this block will display here.