童童貓的煩惱｜尊重孩子的身體界線
#家長投稿 #拜年 #麻煩親戚
話說舊年農曆新年，帶住囡囡去拜年，點知有個親戚一見到囡囡，手都唔洗，一嚟就抱起佢，仲要係咁錫佢面珠登。
囡囡嗰陣時先得兩歲幾，俾個陌生人咁樣攬住，嚇到喊晒口。我即刻同個親戚講：「唔好意思，我個女唔鍾意俾人抱。」點知個親戚仲話：「唓，細路仔怕咩醜啫，俾 Auntie 抱吓有咩所謂。」
個下我真係嬲嬲哋，小朋友唔係大人嘅玩具，更加唔係用嚟俾人「玩」嘅。佢哋有自己嘅感受，唔鍾意俾人抱就係唔鍾意，大人點可以逼佢哋呢？
新年聚會多，相信家長都會帶埋小朋友去拜年。呢度想提醒各位家長同埋親戚朋友，見到得意嘅小朋友，千祈唔好未經同意就抱佢哋、錫佢哋。小朋友都有身體自主權，佢哋有權利拒絕唔想要嘅身體接觸。
新一年，大家一齊學做識得尊重別人嘅大人😉
同小朋友一齊睇動畫，跟童童貓學 #尊重他人的身體界線 和 #如何拒絕不喜歡的接觸。
【性教育應由小做起】
根據社會福利署的統計，2023年有509宗保護兒童個案涉及性侵犯然而，並非所有幼稚園和小學都提供足夠的性教育，許多兒童受害人在面對性暴力時感到不知所措，甚至不知道該如何尋求幫助。因此，越早進行性教育，越能夠幫助孩子保護自己、學會尊重他人的身體界限。
【性教育可以很輕鬆】
「#童童貓的煩惱」為 Anti480反性暴力資源中心 製作的 #兒童性教育 系列影片，旨在幫助家長和老師更輕鬆、有趣地與孩子展開性教育之旅。透過童童貓的故事，幫助孩子建立 #與他人有身體接觸前要先問 的習慣，並學懂 #尊重他人的身體界線 和 #如何拒絕不喜歡的接觸 等預防性暴力的概念。