【懶人包】多多與寶寶龍
📺📺 你有無睇過呢個廣告？
「被人侵犯，要立即話『唔好』！還要大聲叫救命㗎！」
「要快啲逃去安全嘅地方，將件事話俾你信任嘅人聽」
⏳ 大家可能都對「多多」、「寶寶龍」同以上呢兩句有深刻印象。呢條1997年推出，教小朋友保護自己嘅政府宣傳廣告深入民心，令市民緊記遇到性暴力時點樣保護自己。短片亦係少有地提及性暴力嘅公眾宣傳廣告，打破社會對性議題禁忌，有份推動本港對防止性暴力嘅討論同教育。
🧮 但回應性暴力並唔係「一加一等於二」嘅直線邏輯，我哋唔否定「多多」同「寶寶龍」所傳達嘅自我保護觀點，只可惜多年下來「保護自己」嘅教育訊息其實也成為了不少性暴力受害人嘅枷鎖。
🧠 大眾都似乎有一個既定印象－遇到性暴力，受害人「一定」要嗌唔好、大聲呼救再話俾信任嘅人知。「保護自己」變成受害人嘅責任，如果受害人冇咁做，就係佢未有盡責，甚至有人會因為咁而質疑受害人根本冇被性侵。
👩🏻⚖️ 來自《 #倖存者言：九位童年性侵倖存者口述故事》以及不少法庭新聞嘅故事就突顯出「保護自己」所強調嘅種種，就令到受害者更容易被質疑，甚至被否定證詞與經驗。
保護自己固然重要，但只聚焦「保護」，可能會令我哋忽略性暴力問題嘅根本— 「尊重」與「意願」。學習尊重身體自主同意願，先可以建立友善嘅社會環境，避免傷害。
